ORANJESTAD (AAN): El a worde sinti pa basta ciudadano! Informe a drenta for di Turibana, di Sero Pita, Sabana Basora, Zeewijk, Tarabana, Sividivi, San Miguel, Calabas, Piedra Plat, Jan Fleming, Paradera, Pavia, San Fuego, Washington, Balashi, Papaya, y mas. Practicamente henter Aruba a sinti’e.
El a worde sinti hopi leve, cu e sonido, y despues a nota cu el a bira mas fuerte, y piso tabata tembla.
Tabata exactamente 11:05 am cu e temblor a worde registra. E epicentro a worde localiza na 11.91º Nort y 69.86º West.
- • E epicentro tabata riba Peninsula di Paraguana, como 34 km Zuid-Zuidoost di Cabo San Roman (Venezuela). Pa casualidad net e lugar ey ta unda Diaranzon siman pasa pa 9'or di anochi, e centro di e Disturbio Tropical (cu despues a bira 'Bonnie') a pasa.
- • Esaki ta exactamente 56 km straight zuid, for di Sero Colorado na San Nicolas.
- • E ta igual cu 75 km Zuid-Zuidoost for di Misa di Noord na Aruba.
- • E ta igual cu 39 km Noordoost di Punto Fijo (Venezuela).
- • E ta igual cu 57 km Noord-Noordwest di Coro (Venezuela).
E centro tabata na un profundidad di 34.6 km. Esaki ta un di e motibonan cu el a worde sinti asina hopi.
Na Venezuela tambe el a worde sinti bastante na Punto Fijo, y tambe na Coro.
Na Aruba ningun informe a drenta di daño material.
