ORANJESTAD (AAN): Aunke nan no a usa Club Don Bosco na Noord ultimo simannan pa vacuna hende, toch riba Diasabra y Diadomingo el a bira un centro di vacunacion
tambe den cuadro di e actividad di Vacunathon.
E biaha aki a nota cu hasta parti pafo di e edificio, bao di e veranda a pone stul tambe pa asina por acomoda mas hende. Tin di corda cu Club Don Bosco no ta hopi grandi paden, y e hecho cu a pone algun espacio extra pafo bao tent grandi pa hende sinta y haya nan inmunizacion, tabata un plus punt.
DOW a pone gazebo pa esnan cu ta para den rij por tin un tiki alivio di solo, y en general a nota cu e servicio tabata bay basta rapido. E team a move hopi agil y profesional, y por a nota cu hopi hende ta alegre y contento cu nan ta yudando pa asina humanidad bay bek na normalidad.
No ta conoci si acaso Club Don Bosco lo sigui wordo usa den dianan venidero como lugar di vacuna, of cu atrobe esnan cu ta buscando e dosis tin di bay na Centro na Santa Cruz.
