×

Warning

JFolder: :files: Path is not a folder. Path: /home/diario18/public_html/images/Homenahe significativo riba nos historia comparti
×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/Homenahe significativo riba nos historia comparti

Homenahe significativo riba nos historia comparti, avance y futuro di nos pueblonan

Homenahe significativo riba nos historia comparti, avance y futuro di nos pueblonan

Jennifer Arends-Reyes na Corsou:

ORANJESTAD (AAN) Parlamentario Jennifer Arends-Reyes, como lider di fraccion AVP, a tuma parti na e celebracion nacional na nos isla ruman Corsou pa conmemora e Dia di Abolicion di Sclavitud dia 1 di juli y e Dia di Bandera dia 2 di juli. Riba invitacion di e autoridadnan di Corsou, Arends-Reyes a representa nos pueblo Arubano den un spirito di union, respet historico y patriotismo Caribense.

   Durante e acto di Bahamento di Bandera dia 1 di juli na Plasa Brion, e programacion a inclui presentacion di grupo cultural, discurso di lidernan local, entrada solemne di gruponan hubenil uniforma y un interpretacion emotivo di e himno di Corsou pa Izaïher Smith. E momento cu bandera a baha simbolisa un momento di refleho profundo riba e victimanan di sclavitud y e resistencia di un pueblo cu nunca a perde su dignidad.

  E Caminata Artistico riba Brug, un paso simbolico cu e pueblo a tuma hunto pa Fort Amsterdam, caminda e Dia di Emancipacion tabata conmemora cu tambu, cuenta y cuminda. Den su palabra, Arends-Reyes a enfatisa: “Bo por kita un hende for di su tera, pero nunca su alma for di su pueblo. E historia di resistencia y emancipacion ta uni nos islanan, ta uni nos pueblo.”

  E dia siguiente, 2 di juli, Dia di Bandera, a cuminsa trempan na  Parlamento cu un reunion solemne sigui despues pa Plasa Brion. Representantenan di gobierno y parlamento di Corsou y islanan den Reino a yega, sigui pa entrada di gruponan uniforma, un discurso spiritual y un acto solemne di hisa bandera cu permiso di e Gobernador, su excelencia Lucille George-Wout.

   Na fin di e evento, Arends-Reyes a comparti su admiracion pa e manera cu pueblo Corsou ta honra su pasado y su bandera: “Un bandera ta mas cu un simbolo; ta un testigo di lucha, di progreso y di identidad. Mi kier expresa mi felicitacion profundo na nos rumannan di Corsou pa un celebracion digno y inspirativo. Aruba ta orguyoso pa ta su pueblo ruman.”

   Arends-Reyes a sigui menciona cu nos pueblo Caribeño mester sigui traha hunto pa reconoce y sana e herida historico di sclavitud, pero tambe pa avansa hunto na un futuro cu ta basa riba dignidad humano, colaboracion regional y orguyo cultural.

{gallery}Homenahe significativo riba nos historia comparti, avance y futuro di nos pueblonan{/gallery}