ORANJESTAD (AAN) – Docter Kock, tambe a hiba palabra na apertura di e exposicion di Afdeling di Dialisis, na Hospital dr. Horacio Oduber, como celebracion di e di 40 aniversario di e servicio di dialisis na Aruba.
E docter a expresa cu e ta sinti su mes hopi orguyoso di esaki, y a subraya cu mester honra e hendenan cu tabata tin e vision e temponan ey, pa cuminza cu e tratamento aki tan necesario pa nos pais.
Kock a señala cu ainda, despues di 40 aña Hospital ta keda innova, dedica y brinda e miho cuido pa esnan cu tin necesidad, kiermen e pashentnan cu ta sufri di riñon.
El a señala cu ta hopi contento cu no solamente hospital ta haciendo e trabao aki, pero cu e ta hacie hunto cu ImSan y cu nan ta forma un team. Sin esaki lo no por a sigui crece y brinda e tratamento di dialisis cu cual, practicamente, tur dia ta salba bida di hende.
