ORANJESTAD (AAN): 131Aruba a ricibi bishita di representantenan di e tereno di estudio Sociaal-Agogisch Werk di Hogeschool Vives Kortrijk di Belgica.
Durante e bishita na 131Aruba, nan a ricibi un splicacion extenso di e trabaonan y experticio di 131Aruba, y e instrumentonan cu ta wordo uza door di 131Aruba pa duna asistencia na mucha y hobennan di Aruba, Bonaire, St. Eustatius y Saba.
Hogeschool Vives Kortrijk di Belgica ta ofrece enseñansa superior basa riba competencia, investigacion innovativo y servicio social.
Hogeschool Vives Kortrijk di Belgica a wordo representa pa Mieke Brenning, Opleidingshoofd Bachelor Sociaal Werk y Jelske Vandormael, Docente Bachelor Toegepaste Psychologie. Nan a wordo ricibi pa e director di 131Aruba, James Sneek.
E representantenan di Vives Hogeschool a keda impresiona cu tur e trabaonan implementa, e pasion pa duna servicio y e calidad di e asistencia. Intencion ta cu den futuro cercano Hogeschool Vives Kortrijk di Belgica y 131Aruba lo traha estrecho cu otro pa cu diferente estudio y proyecto.
