E lunanan benidero e barco lo ta activo cu operacionnan anti-droga
ORANJESTAD (AAN): Zr.Ms. Holland a tuma tarea como barco patruyero den Region Caribe over di Zr.Ms. Groningen. E Barco Patruyero a mara diabierna mainta den Bahia Santa Ana na Willemstad.
E lunanan benidero e barco lo ta activo cu operacionnan anti-droga, pero tambe lo ta para cla pa keda desplega na momento di duna yudansa di emergencia.
E añanan tras di lomba e barco patruyero frecuentemente a keda asisti pa un helicopter di Wardacosta Mericano.
E biaha aki e NH90 helicopter di combate maritimo a bolbe sali abordo di e barco, for di Den Helder, pa sirbi como wowonan aereo extra pa e barco.
Zr.Ms. Groningen awe despues di casi 5,5 luna a yega den su base naval. Ultimo lunanan e barco a intercepta un total di casi 7000 kilo di cocaina den Region Caribe.
Cu e presencia permanente di un barco patruyero den region, Defensa ta aporta na paz y seguridad den Region Caribe.
