Diversificacion di economia y di empleo den tur ramo
*Glenbert Croes y e creacion pa futuro di un mundo nobo
*Proyecto productivo ta balansa contra miseria y medida
ORANJESTAD(AAN)—E sonrisa cu cual Ministro Glenbert Croes ta presente riba portretnan, ta bisa tur cos.
Den su tarea como gobernante di e pais, e tin uno di e paketenan mas importante den realision di un economia nobo pa sostene un calidad halto di bida pa tur Arubiano.
Ora papia di economia den nos tempo moderno, e atencion primordial mester bay na e analisis di e loke mester pa realisa un porvenir nobo pa e fuente di bienestar di un pais, cu ta economia.
Generalmente, ora papia di economia di Aruba, na prome lugar ta pensa kico e economia ta produci pa cada persona, cada cas y cada empresa comercial, cu ta baluarte di un economia democratico.
Hopi bez ta lubida un factor importante. Ta lubida di papia y splica kico economia mester pa e ta prod\uctivo y asina hasta scrap mas pago di belasting, cu ta baha ora tin mas circulacion di placa, ora trahador tin mas placa den nan cartera y Aruba por stop di pidi Hulanda mas asistencia financiero.
Na momento cu Glenbert Croes a papia di e adelantonan cu e ta haci den creacion di un Aruba como centro di negoshi di hydrogeno como fuente di combustibel limpi, el a papia di e alimento mas importante di ecnomia, cu ta loke economia mester pa e funciona.
E problemanan financiero y economico cu Aruba (no Gobierno so) conoce actualmente, ta exigi mas actividad comercial, pero tambe combustibel cu ta necesario pa e comunidad funciona.
Con cambio den produccion di petroleo ta afecta mundo, a wordo proba durante 2022, ora prijs di petroleo a manda tur prijs halto y asina a mishi cu e cantidad di placa cu mundialmente hende tin den nan cartera pa nan por cubri nan gastonan di tur dia.
E dependencia mundial di petroleo, cada dia cu pasa ta bira un problema mas grandi pa mundo y sigur pa paisnan cu no ahusta na exigencianan moderno pa tene economia na bida y hasta subi capacidad di economia pa crea un base mas fuerte pa cada miembro di comunidad.
Glenbert Croes como gobernante, mester atende pues cu e exigencia mas importante di un economia moderno, cu ta combustibel cu mester wordo adapta na loke ta bay mishi directamente cu e entrada y gastonan di pais y di hende den e futuro mas cercano.
Negoshi, gobierno, cas di famia, hende lo cal den un muraya espantoso, si awor no percura pa e salida di petroleo y entrada di mas energia limpi, ta wordo bon regla no solamente pa dos siman of pa dos luna, pero pa e futuro cu ta spera y e naturalesa (mundo, hende, bestia, pisca, mata) cu mester sobrevivi cambio di clima riba tur tereno.
Glenbert Croes, awe como gobernante di Aruba, mester percura pa cuminsa y sigui scrap petroleo for di lista di combustibel cu ta wordo uza na Aruba.
Glenbert Cries mester percura pa otro tipo di energia, stimula economia y sostene un calidad di bida cu Pueblo di Aruba tin como costumber.
Ora analisa e resultado di esfuersonan di Ministro Glenbert Croes pa hydrogeno bira energia cu ta reemplasa petroleo, ta papia di e prome cambio necesario pa un futuro nobo di e pais y pa e futuro nobo cu ta conoce cambio na un forma
Pa comprende di kico ta papia, mester bolbe entrada di Lago como porta nobo pa futuro, basa riba trabou pa tur hende y placa pa e comunidad como totalidad funciona.
Den nos temponan actual, porta di petroleo ta cera y planeta mundo, trastorna pa e huma di refinerianan, ta busca combustibel limpi pa un economia por funciona y permiti un comunidad funciona.
Uno di e momentonan mas grandi den historia humano, tabata e momento cu hende a descubri con ta cende un candela.
Awe uno di e retonan mas grandi ta, con ta evita di cende candela pero si ta percura pa tur loke e candela a haci posibel, cu ta preparacion di cuminda te e forma cu ta deshaci di resto di cuminda.
Ayera mundo a keda limita pasobra hende solamente por a yega te loke nan tabata kere ta horizonte. Awe e reto ta, con ta haci posibel pa auto transporta hende, pa barco nabega pa avion bula, sin destrui naturalesa y asina destrui mundo.
Na e momentonan aki energia ta uno di e retonan grandi pa enfrenta futuro.
Ministro Glenbert a anuncia con na Spaña e ta gara e toro na su cacho hydrogeno reemplasa petroleo pero tambe productor di placa cu ta crea trabou, ta sostene economia y ta habri caminda pa un futuro di hende feliz den su ambiente na tur forma.
Asina por baha e peso di belasting, gosa di entrada pa paga debe y sigui cana den futuro!
