ORANJESTAD (AAN): E wega di mas popular ta facil pa hunga. Djis escoge un number consistiendo di cuatro cifra, y agrega un signo zodiacal na dje, y cla bo ta.
Esey ta loke August a haci tambe, y el a bira feliz pa mira cu su numbernan a sali.
Pesey riba Diamars el a acudi na oficina di Lotto na Playa pa asina reclama su premio. Aki nan a revisa su ticket y ora cu a scan e barcode, e computer a confirma cu August a gana 12.500 Florin cu e wega di Zodiac Merdia.
Mesora a sigui cu e proceso pa transferi e premio electronicamente pa su cuenta di banco. August a remarca cu e ticket ganador el a cumpra na Lucky Numbers Sasaki.
