Helicopter y avionnan nobo di Wardacosta Caribe Hulandes ta operacional

Contract nobo a wordo firma

ORANJESTAD (AAN): Ultimo añanan tras di lomba a traha duro riba contractnan nobo pa e unidadnan aereo pa Wardacosta di Caribe Hulandes. Meta di a cera e contractnan aki ta un provedor di servicio confiabel pa Wardacosta y unidadnan aereo moderno, ekipa cu hermentnan tecnologico cu ta yuda den ehecucion di e tareanan di Wardacosta.

   Na momento di cera e contractnan nobo, e unidadnan aereo a haya un modernisacion amplio di medionan di comunicacion y sensor. E medionan nobo ta entre otro:

(*) E sensornan nobo, camaranan nobo pa anochi y di dia y otro ekiponan renoba pa utilisa abordo. E materialnan nobo ta masha adecua pa accionnan di rescate riba laman, y tambe tareanan di investigashon y supervishon.

   E helicopternan ta procedente di e compania Bristow Helicopters Limited. Pa medio di e contract cu Bristow, Wardacosta a sigura su capacidad di vuelonan cu e helicopter pa su servicionan cu 10 aña.

   Pa loke ta trata e avionnan, Wardacosta a firma un contract cu ISR, cu ta un cooperashon entre PAL Aerospace Ltd. y e compania Hulandes Jetsupport.

E contract aki tambe ta garantiza e servicio di e avionnan pa un periodo di 10 aña.

   Wardacosta Caribe Hulandes ta contento cu e contractnan nobo y e recursonan abordo pa ehecucion di e tareanan di Wardacosta.