ORANJESTAD (AAN): Un di e weganan di mas popular keto bay di Lotto, ta e sorteo di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal na dje, y bo ta cla den wega.
Esey ta loke Hector a haci tambe, unda el a cumpra su numbernan special riba Dia di Tres Rey, y el a gana tambe.
Pesey riba Diabierna mes el a presenta na Oficina di Lotto na Playa pa reclama su premio. Aki el a entrega su ticket, y ora cu a scan esaki, e computer inmediatamente a confirma cu el a gana 127.500 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Hector a indica cu e ticket ganador mes el a cumpra na Lucky Numbers.
