HCLF ta honra su boluntarionan pa nan dedicacion durante 2024

ORANJESTAD (AAN):  Manera e ultimo añanan, Heart-Centered Leadership Foundation (HCLF) a habri aña cu un actividad social pa su grupo di boluntario.

E actividad “Ban topa! Un brindis pa 2025” tabata un oportunidad pa trece boluntarionan hunto, reflexiona, y pone intencionnan pa e aña nos dilanti.    Den HCLF su clubhouse situa na Teresita Center, e boluntarionan a disfruta di un desayuno y a haya momento pa reconecta cu otro despues di e dianan di fiesta.

            Na mesun momento, HCLF a tuma e oportunidad pa reconoce un grupo di boluntario cu a sobresali durante 2025:

Boluntario sobresaliente di aña: Patrick Williams

            Como parti di HCLF su grupo di boluntario cu ta yuda patras di cortina durante actividadnan, Patrick a demostra liderazgo, pasenshi y dedicacion no solamente pa e actividadnan cu e la yuda prepara, pero tambe pa su mesun crecemento personal. Patrick ta un ehempel cu ora duna guia, hermentnan

corecto y reinforsa capacidadnan, con hobennan por resalta den nan enseñansa, personalmente y

profesionalmente.

Boluntario nobato di aña: Erwin Hopmans

Erwin no ta un cara desconoci pa HCLF. Un participante di programanan cu HCLF a ofrece den

pasado, Erwin a dicidi di join como boluntario den 2024 unda cu e la demostra tremendo dedicacion y

liderazgo como un boluntario nobo.

Impact Coach di aña: Michayla van Varsseveld

Michayla ta un di HCLF su Impact Coaches dedica desde 2021. Impact Coaches ta boluntarionan cu

ta ricibi training pa por sostene hobennan den grupo chikito durante HCLF su actividadnan y tayernan.

Como Impact Coach, Michayla a empodera, guia y apoya hobennan durante diferente actividad,

demostrando compasion, comprension y cariño na hobennan. Aña pasa, Michayla a sobresali como e

Impact Coach mas activo.

Top 4 Impact Coaches di aña:

HCLF ta reconoce tambe su Impact Coaches cu a demostra constantemente dedicacion y curason pa

ta un bon ehempel pa hobennan:

- Ronan van Putten

- Ashna Thijsen

- Lino Castellano

- Roan Peterson

            HCLF ta gradici tur su boluntarionan cu a yuda un manera of otro durante 2024. Cu nan ayudo, HCLF a logra ofrece 61 actividad pa 560 hoben na 6 school secundario y un centro di bario.

HCLF semper ta en busca di mas boluntario. Si bo ta interesa di duna bek na comunidad y impacta

bidanan di hoben den un manera positivo, tuma contacto cu HCLF via Whatsapp na +297 5841211.

            HCLF ta un fundacion cu a keda estableci na 2008 cu e meta pa inspira y empodera hobennan di

Aruba. Desde 2012 e fundacion ta ofrece diferente tayer, actividad y programanan impactante unda

hobennan ta sera conoce nan mes miho y traha riba nan desaroyo personal y profesional.