ORANJESTAD (AAN): Recien a anuncia, cu Stephen a wordo nombra como ‘SISSTEM Student Ambassador 2025-2026.
Universidad di Aruba ta orguyoso di por reconoce Stephen pa e titulo aki.
Como un recien graduado di Bachelor’s, Stephen consistentemente a demostra loke nifica pa contribui na un comunidad solido y solidario di studiantenan. Pues for di apoya su amigonan di team Kiran y Josianne, te cu comparti su conocementonan di herment y encurasha demas studiantenan pa descubri e Makerspace Bus, Stephen semper tabata dispuesto pa yuda tur otro pa nan tambe siña y crece.
Su compromiso cu colaboracion a keda claramente visibel, via di su envolvimento den e proyecto “Turning the Tide”, unda el a ofrece su mes como boluntaio pa bay siña con pa scuba dive rapidamente, cu a contribui pa fortalece e colaboracion entre Universidad di Aruba y comunidad local.
E storia di Stephen ta pone tur hende pensa cu exito no ta midi djis via bo puntonan di cifra. Actitud, mentorship, iniciativa, colaboracion, y servicio na otronan tambe ta importante.
Palabra di pabien na Stephen, y danki pa ta un bon ehemplo con un disponibilidad di un studiante pa contribui por haci un diferencia importante den comunidad. Lidera cu curiosidad, biba cu integridad, y crece hunto.
