Harbor Hotel & Casino Curaçao a bira e nomber nobo pa Hotel Otrobanda

WILLEMSTAD: Hotel Otrobanda, awor ta Harbor Hotel & Casino Curaçao. E nomber nobo a keda revela pa medio di su propietario Jachmin Pinedo,

kende a anuncia cu e hotel ta habri na luna di Desember benidero y alavez a habri e posibilidad pa solicitud pa diferente funcion.

   No ta un secreto cu Harbor Hotel & Casino Curaçao tin un di e bista nan mas precioso riba nan haf y bahia di Santa Ana. Pa e motibo aki, e nomber ‘Harbor’ ta esun ideal y pa duna aun mas realse na e dushi pais, a añadi e ‘Curaçao’ na e nomber.

  Trabaonan di construccion a tuma su tempo debi cu ta practicamente un hotel nobo a ser construi. Nan ta sumamente contento di por anuncia cu Otrobanda ta bay tin un joya di un Hotel.

   “Nos centro di ciudad ta unico y e ta na mi casa Eithel y ami su curason pa hopi tempo caba. Nos tur sa cu Otrobanda merece mas atencion y dedicacion. Esaki ta un di e motibo nan principal di nos decision pa ban inverti den nos centro di ciudad, Otrobanda.”

   “Cu e yegada di Harbor Hotel & Casino Curaçao no solamente nan kier brinda Curaçao un bunita hotel, sino mas bien nan kier bay p’e era nobo di Otrobanda”

Esey ta palabra nan di propietario Jachmin Pinedo durante presentacion di e nomber nobo pa hotel Otrobanda, cual awor ta Harbor Hotel & Casino Curaçao.

   Harbor Hotel Curaçao ta conta cu cambernan bunita, super moderno cu un bista unico riba entrada di e waf, plaza Brion y e brug di ponton Emma. Cu facilidadnan manera pool, gym y un pool bar cu ambiente tur momento. Un restaurant na aire liber pa saborea cumindanan exquisito cu un “breath taking view”.

   Pa loke ta e nomber di e Casino, nan kier pa cada bishitante cu bin purba nan suerte sinti nan mes un rey of reina. Cu esaki den mente, nan a scohe e nomber Royal Casino Curaçao. Un Casino cual e servicio na e bishitantenan ta e parti central di nan enfoke. Cu e slogan; “Winners best choice”.

   Harbor Hotel & Casino Curaçao a habri tambe solisitut pa diferente funshon den area di hospitalidad. Pa aplica pa un funshon, mester subi e website di harborhotelcuracao.com