ORANJESTAD (AAN): Departamento di Salud a indica dialuna cu e asina yama 'Hangua Nacional di Vacunacion' ta marca 71.5 %, loke ta demostra cu Aruba ta ariba bon caminda.
E meta ta pa yega na un 85 % pa asina por bisa cu a logra e 'herd immunity' of inmunidad comunitario.
Por mira cu den e grupo di edad entre 12 y 17 aña, 46.5 % a vacuna. 4,332 a haya e prome dosis y 4,989 e di dos dosis.
Den e grupo di edad di 18-59 aña, 72.9 % a vacuna. 51.667 a haya e prome dosis mientras cu 19,184 a completa e di dos dosis.
Den e grupo 60+, 76.1 % a vacuna. 21.283 a haya e prome dosis mientras cu 6.695 persona a haya nan di dos prik.
DVG ta pidi comunidad pa un y tur sigui vacuna pa HUNTO combati COVID-19. Si bo no a vacuna ainda, haci bo cita ariba un di esakinan:
- Aruba Health App
- Telefon na 280-0101, 522-4200, 522-4210, 522-4211, 522-4214
Por walk-in, unicamente, pa ricibi e di dos dosis di e vacuna entre 8:30 cu 11:30 di mainta y atardi entre 1:30 cu 3:30.
Vacuna no ta solamente un acto di solidaridad y responsabilidad conhunto caminda niun hende por keda atras; pero mas tanto, vacuna ta un acto di amor pa bo mes, bo famia y bo pais!
Por fabor, no duda mas: VACUNA!
