PARAMARIBO: E tabata e combersacion di dia na henter Suriname. Durante awacero torencial cu a socede Diahuebs merdia,
diripiente hagel tambe a cuminsa cay for di cielo. Y esey a socede mey-mey di un ola di calor cu ta azotando e pais pa varios dia caba.
E evento raro aki a socede na e zona di tereno di Hollandse kamp, cu ta keda cerca di pueblo di Zanderij cu ta situa cerca di Aeropuerto Internacional Johan Pengel.
Varios habitante a duna declaracion pa confirma e fenomeno meteorologico inusual aki. Hopi tambe a pone potret y video riba social media pa duna prueba y expresa nan sorpresa pa cu e sucedido inespera aki.
E fenomeno di tempo aki, inespera y inusual di Hagel cay te yega tera net durante e periodo di mas calor di aña, a pone hopi hende cuminza combersa riba e asunto, y expertonan a cuminsa splica cu e por socede den areanan di tropico tambe.
Na Suriname den pasado el a yega di wordo registra tambe, ora cu Hagel a cay na 2014 den pueblonan di Uitvlugt, Flora, y Nieuwweergevonden diripiente a keda sorprendi cu e fenomeno ey e tempo aya.
