ORANJESTAD (AAN): Trabaonan di renovacion ta tumando lugar pa cu e Brug di Peaton riba Green Corridor na Pos Chikito.
Pues ta pidi cooperacion di automobilistanan pa tene bon cuenta cu esaki, paga bon tino y yuda tene seguridad di e trahadornan na cuenta ora di pasa eynan.
Den pasado, tabatin algun hende cu a yega di sugeri pa pone un emblema grandi di “Aruba” riba e brug di peaton aki, cu por haci esaki bira hasta un ‘landmark’ extra atractivo pa e isla, of hasta pa area di Pariba di Brug.
Net ora cu fotografo di DIARIO ta sacando e potret aki, un ciudadano a para cerca dje y a bise cu na su opinion, e brug nobo riba Green Corridor, esta ‘Brug Freddis Refunjol’ cu ta riba Spaans Lagoen, tambe mester haya su debido atencion.
Aunke esun ey apenas tin kizas 5 aña eynan, toch e ta mira hopi frustro riba e caminda y e heronan di e brug nobo ey, y cu ta uno cu keto bay ta costando Aruba un dineral pa paga cada aña.
