Coordinador POH Jasmira Mora:
ORANJESTAD (AAN)-- Coordinador di POH, Jasmira Mora, a comenta den entrevista cu Matutino DIARIO, cu un di e factornan di riesgo pa loke ta hipertension, ta falta di ehercicio.
“Nos ta ripara cu hopi hende no ta haciendo suficiente ehercicio. Y esaki den combinacion cu e parti di nutricion y factor familiar, ta tambe factornan di riesgo pa bo haya e malesa aki.
Pa 17 di mei, POHnan a pidi tur hende pa para un rato riba e malesa di hipertension, manera por a lesa siman cu a pasa den DIARIO, busca pa sa si den famia tin e condicion aki, y si bo no ta controla, haci di henter e luna di Mei, un luna di control di presion arterial. Asina bo mes por tuma accion di bo mesun malesa”, Jasmira Mora, Coordinador POH a enfatiza.
