Señora Richella Dorothal di DTI:
*Cantidad di cita a aumenta drasticamente pa 2026
ORARANJESTAD (AAN): Actualmente, na Dienst Technische Inspecties (DTI) tin mas cita haci pa keur auto e aña aki compara cu aña 2025 y 2024. Segun señora Richella Dorothal, e automento drastico aki di por lo menos 3500 cita extra, ta debi na diferente aspecto. Un di nan ta e control di polis riba trafico y otro motibo ta bin di parti di e maneho di DTI mes.
Esaki, segun señora Dorothal a indica na DIARIO, ta trece un efecto hopi positivo cu ne y compara cu antes, tin hopi mas cita ta ser haci y awor por haya un cita por lo menos dentro di tres luna, y no despues di dos of tres siman manera tawata e caso antes. El a conseha pa tur persona acerca DTI tres luna prome cu nan keuring caduca pa tin sigur cu ta haya un fecha net rond di e fecha cu esaki ta bay caduca.
“E ta keda na e responsabilidad di cada ciudadano pa cumpli cu esaki. Un comprobante di cita no kiermeen cu e persona no por ricibi boet pa motibo cu ley ta prescribi cu mester tin un comprobante valido di keur. DTI semper ta boga pa e siguridad di cada perosona y cu e vehiculo ta den bon condicion, entre otro luz y brake”, señora Dorothal a expresa.
El a remarca cu ainda e proceso ta keda cu mester bay personalmente na DTI pa haci un cita cu documentonan necesario; siguro valido, registracion di DIMP y e suma cu mester paga.
