Habitante a pone borchi pa pidi hendenan stop di benta sushi den mondi

ORANJESTAD (AAN): Esaki parce di ta bira un trend nobo cu ta demostra cu hopi hende no tin ningun tipo di compasion,

ni tampoco nocion di loke nan ta haciendo ta perhudica bo mesun yiunan, y tambe futuro generacion.

   Djis yega y hisa benta sushi unda cu ta!  Hasta chauffeur di dumptruck ta yega y destrui full un paisahe bunita door di benta sushedad yama ‘grofvuil’ den un area unda e no merece di ta, meymey di nos matanan berde y bunita.

   Aki por mira unda un Habitante a hasta haya obliga di pone un borchi pa asina pidi hende pa no benta sushi eynan.  Pero asina mes nan ta zwaai kico cu ta afo y benta eybanda.  Full e area tin sushi benta rond, y ta djis algun potret so a saca.

   Hendenan anti-social cu ta comete esaki, ta birando un pest den comunidad.  Y momento a yega pa bolbe lora manga y cuminza bin cu legislacion aun mas fuerte den e asunto aki.