Guardian Group Fatum ta cla pa Aruba Doet 2022

ORANJESTAD (AAN): Guardian Group Fatum ta cla pa yuda e comunidad di Aruba pa medio di ARUBA DOET.

Diasabra 12 di Maart e team di Guardian Group ta forma parti un biaha mas na e evento di boluntario di mas grandi na Aruba cual ta Aruba Doet.

            Guardian Group Fatum lo yuda St. Anna School y  Fundacion Siña mi Paso a Paso pa verf y mantene nan edificionan bunita.

            Tur aña e actividad di Aruba Doet ta trece un dinamica entre e empleadonan y ta yuda fortifica e “team spirit”.  

            Gerencia di Guardian Group Fatum ta super orguyoso di cada empleado cu ta participa boluntariamente na e proyecto aki y gradici nan pa nan contribucion y collaboracion.

            Guardian Group Fatum ta motiva y recommenda tur compania pa registra y participa como colega pa asina pasa un dia contento yudando otro y alavez contribui na un mihor communidad.

            Hopi exito na tur organisacion y/o persona(nan) cu lo participa y yuda cu Aruba Doet 2022. Pabien tambe na e organisacion Aruba Doet y su team dinamico.