Guardacosta a bay yuda baha turista herida for di St. Christoffelberg na Curaçao

WILLEMSTAD: Tabata Diaranson cu Cuerpo di Bombero di Curaçao a haci un peticion na Guardacosta di Caribe Hulandes,

pa yuda baha un turista kende tabatin mester di yudanza riba e sero di mas halto di e isla, esta St. Christoffelberg.

   E turista den su intento pa subi e sero, a kibra su enkel.  Debi na recien awacero, e trapi riba e sero tabata slip bastante, pues no ta safe pa evacua e homber bek via e trapi.

   Pesey Cuerpo di Bombero a pidi yudanza di e Helicopter di Guardacosta di Caribe Hulandes, pa hisa e herido for di e sero.  Mesora Centro RCC a manda e helicopter pa eynan pa asina presta asistencia.

   Despues di a bula rond di e sero pa localiza e personal di rescate, y check si biento ta OK, nan a baha e harnas pa asina hisa e victima bek na halto.  Unavez cu nan tabatin e herido den e Helicopter, nan a bay cune na Aeropuerto di Hato, unda un Ambulans tabata sperando riba nan.