ORANJESTAD (AAN): For di Ministerio di Husticia, a haya un comunicado di prensa cu ta indica cu den e dianan aki lamentablemente
a nota cu aparentemente extra trahado di e departamento di Guarda nos Costa a purba lansa informacionnan robes riba funcionamento y desaroyonan den Guarda nos Costa.
Tur esaki den nan afan pa pinta sea e departamento mes, e hefe of e minister den un luz negativo.
E trahadonan na GNC sinembargo a reacciona disgusta pa e practica aki, pasobra di berdad nan ta nota un lista di mehoransa y cu ta bisto pa tur hende cu e departamento ta creciendo.
A logra adkiri autonan nobo, material nobo pa por traha cu ne, uniform nobo y sin lubida diferente curso pa capacitacion di e personal.
Guarda nos Costa ta maneha dos edificio. Un na Dakota y e otro banda di Brandweer na Aeropuerto. GNC ta controla estadia y trahamento ilegal riba nos isla, y percura pa deportacion for di nos isla.
