Grupo Scout St. Paulus Michael cu bunita actividad di 'Splish Splash Youth Bash'

ORANJESTAD (AAN):  Den luna di September 2023, Grupo Scout St. Paulus Michael a tene un atardi cu diferente wega atractivo pa atrae miembronan nobo den tur nan unidadnan di 5 aña te cu 17 aña.

            E actividad di Splish Splash Youth Bash a tuma lugar na e beach di Zeewijk cu weganan di awa pa tur nos muchanan y hobennan di e bario di Zeewijk y becindario.

            Nan grupo a sali masalmente un diasabra cu tur nan unidadnan pa parti flyers den e bario di Zeewijk y becindario. Ademas,  a invita kleuter school, scolnan basico y tambe scolnan secundario di e districto di San Nicolas.

            E atendencia tabata hopi bon y nan grupo a logra haya varios miembro nobo den tur nan unidadnan.

            Ta gradici directora di SKOA, tur e cabesantenan di e scolnan pa nan cooperacion, y tambe ta gradici tur e muchanan y hobennan cu a participa na e atardi aki pa haci e evento di Splish Splash Youth Bash 2023 uno exitoso pa e grupo.

            E grupo ta habri pa muchanan y hobennan di edad entre 5–17 di e bario di San Nicolas y becindario.