ORANJESTAD (AAN): E siman aki Aruba hunto cu Hulanda ta organiza e prome Caribbean Climate & Energy Conference (CCEC).
Manera ta conoci mundialmente, calentamento global ta causa cu e nivel di awa (lama) ta eleva.
Segun e pronosticonan pa e añanan nos dilanti, si no haci nada relaciona cu e situacion aki, e ora, por ehempel, e islanan den Caribe sigur lo sufri consecuencia y kizas desastroso.
E ta algo bunita sigur, pero na Aruba net esnan cu tin hopi decada ta educando nan mes, y formando gruponan pa proteha medio ambiente, a bin ta notando cu aparentemente nan como local lo no ta bon bini den e Conferencia.
E experto Milton Ponson di e grupo local di Rainbow Warriors Core Foundation a expresa su sorpresa ora el a nota Diamars cu su miembrecia aproba pa e website di CCEC23.com a wordo revoca despues cu nan a manda un email pa puntra encuanto e organizacion di CCEC23 y pakico e reglanan pa registro ta viola e lineanan reglamentario di Nacionnan Uni pa e registro di Observadornan di ONG di sociedad civil.
E unico contesta cu nan a haya di This email address is being protected from spambots. You need JavaScript enabled to view it. riba e email cu nan a manda dia 8 di Mei tabata un contesta automatico mencionando djis “ccec23.com”
Pues Ponson a bisa cu nan a bolbe purba login y a bin topa cu e notificacion cu e miembrecia di nan cu e email di This email address is being protected from spambots. You need JavaScript enabled to view it. no ta existi. Siendo cu tin prueba y hasta a manda esaki pa prensa pa mustra cu esaki a wordo aproba y tabata existi.
Pa tur e efectonan practico y manera cu ta wordo defini den reglanan di Nacionnan Uni pa derechonan humano y libertad di expresion, e accion aki por wordo mira como ‘censura’, pasobra bo no por registra bo mes dos biaha si bo prome intento tabata exitoso y despues toch ta wordo revoca pa motibonan desconoci.
Rainbow Warriors di Aruba awor ta haye forza pa escala e asunto aki na organonan competente di Nacionnan Uni, tambe na prensa Hulandes y Europeo, y e sociedad civil internacional en general.
Censura no ta wordo permiti den ningun forma of manera of medio den Reino Hulandes.
