ORANJESTAD (AAN): Grupo di oracion di Famia Figaroa ta invita cordialmente tur debotonan y esnan interesa cu kier participa pa e Camind di Cruz, riba diabierna 3 di April.
E grupo ta sali dilanti di Centro Deportivo Frans Figaroa na Noord pa Kapel di Alto Vista, pa 4'or di marduga.
E diferente intencionnan lo anuncia prome cu cuminza e Caminda di Cruz. E ruta ta sali for di Montaña, via Sabana Liber pa Alto Vista.
Nan ta pidi por fabor bin cu flashlight y boter di awa.
E famia a indica cu nan ta sigui cu e bunita iniciativa di nan Mama stima, señora Johanna Figaroa (dfm) a cuminsa mas cu 50 aña pasa.
E famia ta probecha pa gradici tur esnan cu pa añanan largo fielmente ta compaña nan den e mainta aki. Y ta reza pa Tata Todopoderoso bendiciona tur hende cu hopi felicitad, prosperidad, alegria y bon salud.
