Grupo di Who’s Next a bira campeon invicto di Mens Erger Je Niet Live 2026

ORANJESTAD (AAN): Increibel pa mira asina hopi hende!  Centro di Bario Brazil yena di famia, unda cu bisiña y coleganan a topa otro den un ambiente diferente.

   E gruponan a gosa di e ultimo bataya di Mens Erger Je Niet LIVE: E campeon den Categoria B a bira “Heavy Yiu”, sigui na di dos lugar “Screngerenge‎”, y na di tercer puesto a keda “Dushi Yiu”.  Na di cuatro lugar tin “Setar Pevesa”.

   Den  e categoría pa Campeon Mundial, tur cuater grupo tabata invicto te dia 3 Juli. Despues di hopi susto, e grupo “Who’s Next” a titula campeon.  Como subcampeon tin “Hunga Malo Pasa Bon”.  Na di tres lugar a keda “Leysner & De Cuba”.  Na di cuatro lugar tin “PV Sinta Riba Dje”.

   Esaki ta un campeonato cu a cuminsa na April cu 64 team,  diabierna 3 di Juli tabata e wega final.

C.B.B. ta gradici tur 64 team cu a participa na e campeonato, tur fanatico, tur  boluntario cu durante di tres luna a traha tur fin di siman . Un danki na tur cu a yuda haci e campeonato 2026 bira un exito. Y un danki inmenso na Banco Di Caribe.