Grupo di Colegio Arubano cu Mon Plaisir y Educampus a habri Parada Escolar na Playa

ORANJESTAD (AAN): Diabierna mainta a tuma lugar na Playa, e tan spera “Parada Escolar Oranjestad”

cu a conta cu hopi alumno di scol hopi anima, ta jump y goza den e solo cayente di e dia ey.

   E parada a sali for di dilanti Aruba Entertainment Center y a finalisa na Plaza Turismo di Linear Park.

   E prome grupo a consisti di Colegio Arubano, hunto cu Mon Plaisir College, y Educampus.  E grupo aki a consisti di como 1.400 alumno- y maestronan, y a wordo anima pa e grupo di ‘N Fuzion.  Por a mira The Priest tambe cantando henter e ruta.

   Riba combinacion di potret por mira parti di Parada Escolar cu e gruponan di Colegio Arubano HAVO y VWO, Mon Plaisir MAVO, HAVO, y VWO, y EduCampus.  Por a mira cu nan a dedica nan mes hopi riba e ‘Dia di San Valentino’ cu ta acercando.