ORANJESTAD (AAN): Algo interesante pa sa ta cu ora cu a haci proposicion pa haci uso di tereno di refineria na San Nicolas como un lugar pa almacena gas LNG,
tabatin proposicion tambe di un Grupo di Aruba. Na final ta conoci cu e grupo di Aruba aki no a haya luz berde di Gobierno.
Pero awor a haya sa, cu Republica Dominicana si a mustra interes den e grupo di Aruba pa yuda nan aya setup un lugar di LNG Gas na Santo Domingo.
Riba e potret aki por mira e momento cu Consul General di Republica Dominicana cu sede na Aruba, esta Pedro Ventura y tambe señora Taina Ventura di Aruba, kende ta miembro di International LNG Marketing di LNG Geopetroleum, y tambe Samuel Servantes a haci un tremendo logro cu Republica Dominicana den e negoshi di LNG. DIARIO ta felicita e grupo local cu e bon trabao aki.
