Grupo di Aruba a participa den ‘Beat the Marines’ na St. Maarten

ORANJESTAD (AAN): Den fin di siman cu a pasa, e asina yama Marine Squadron Carib cu sede na Aruba, tabata na St. Maarten.

   Esey ta debi cu na St. Maarten tabatin un evento deportivo.  Marinernan cu sede na St. Maarten a organiza e di seis edicion di e evento deportivo yama “Beat the Marines”.

   E competencia aki ta wordo organiza na honor di e 356 aniversario di Korps Mariniers.

  “Beat the Marines” ta un cross amfibico unda varios team tin di competi pasando obstaculo, unda algun caminda tin di rema den boto, subi na cabuya, y tambe landa.

   E biaha aki, un total di 11 team a participa, e.o. equiponan di Compagnie in de West, tambe e Marine Squadron Carib di Aruba, y varios partner di seguridad cu ta trahando na St. Maarten.  A ser splica cu e di seis edicion aki tabata un gran exito.

   Den e resultado final, a compronde cu e equipo di Aruba a sali na di 3er lugar.