WILLEMSTAD: E organizacion di ‘Sea Turtle Conservation Curaçao’ a keda basta desanima,
ora cu e siman aki nan mester a haci e trabao di saca un tortuga morto for di lama.
Ultimo simannan, ta hopi di nan tabata contento di ora di bay sambuya, nan ta topa e Tortuga aki, cu ta un ‘Hawksbill Sea Turtle’ ta move cada rato den area di e isla.
Pero awor e no tey mas, y posiblemente a perde su bida ora cu un boto a dal den dje.
Segun e organizacion, esaki ta un otro ehemplo con Turismo for di control tin un impacto negativo riba e medio ambiente y bida marino.
