ORANJESTAD (AAN): Guardian Group Fatum, e compania lider di seguro den Caribe Hulandes, ta entusiasma pa anuncia su celebracion di su 120 aniversario,
marcando mas di un siglo di confianza y sirbiendo su clientenan. Cu e tema "Going the extra mile," Guardian Group Fatum ta re-afirma su dedicacion na participacion comunitario, siguridad financiero solido y ofreciendo solucion nan comprensivo di seguro.
For di un comienso, 120 aña pasa, Guardian Group Fatum ta compromete na duna servicio y sosten excepcional na su clientenan. E aniversario aki ta sirbi como un testamento na e legado duradero di e compania y su dedicacion pa bay e extra mile pa su cliente nan.
"Na Guardian Group Fatum, nos no ta celebra solamente un logro; nos ta celebra specialmente e confianza cu nos clientenan a pone den nos pa 120 aña," di acuerdo cu Diego Fränkel, CEO di Guardian Group Fatum. "Mientras nos ta marca e ocacion significante aki, nos ta renoba nos promesa pa sigui bay e extra mile pa nos cliente nan, pa nan siguridad financiero y paz mental."
Como parti di e celebracion di aniversario, Guardian Group Fatum lo ta activamente envolvi den diferente iniciativanan comunitario cu tin como meta pa haci un impacto positivo den bida di otro. Ademas, e compania di seguro ta keda dedica na brinda clientenan e miho productonan di seguro posibel.
Specialmente pa satisface e diferente necesidadnan di clientenan, for di famia, pareha, yiu nan y hasta mascota, te na un hogar, negoshi, vehiculo y boto, Guardian Group Fatum ta bay e extra mile pa sigura bo smile cu un cantidad amplio di productonan di seguro y servicio financiero.
"Mientras nos ta celebra 120 aña di servicio, nos ta gradici nos clientenan di curason pa nan confianza. Nos ta dedica pa sigura cu nan ta sinti sigur na momento di tuma decision nan financiero," Diego Fränkel ta añadi. "Sea ta pa proteha nan propiedad, plania pa pensioen, of prepara pa eventonan inespera, Guardian Group Fatum tey pa brinda paz mental y sosten durante cada paso pa asina bo por Live Easy.
Mientras Guardian Group Fatum ta mira dilanti pa futuro, e compania ta invita clientenan, partner y comunidad pa join den e celebracion di su 120 aniversario. Keda pendiente pa tur e sorpresanan durante aña. Nan ta bay e extra mile pabo.
