ORANJESTAD (AAN): Un di e weganan mas popular keto bay di Lotto, ta e sorteo di Zodiac.
Pa bo participa bo tin di djis cumpra un number consistiendo di cuatro cifra, agrega un signo zodiacal y ya bo ta den wega.
Esey ta loke Griselda a haci, y el a dicidi na cumpra su numbernan di suerte. El a bira feliz pa mira cu el a gana.
Pesey Diahuebs el a acudi na oficina di Lotto na Playa pa reclama su premio. Aki el a entrega su ticket, y nan a revisa si el a pone su firma banda patras hunto cu su numbernan di banco. Ora di scan e barcode, e computer a confirma mesora cu el a gana 25.000 Florin cu e wega di Zodiac.
Mesora a sigui cu e proceso pa transferi e premio electronicamente pa su cuenta di banco. Griselda a indica cu e ticket ganador el a cumpra na Big Ten 2.
