Grandinan di Club Kibrahacha tambe ta bay disfruta di un dushi vakantie

ORANJESTAD (AAN):   Club Kibrahacha ta clausura su temporada y nan a cer'e cu un fiesta. Parce cu tur esnan 60+ a 'haya nan rapport',

tur a bay over y awor nan ta cla pa pasa un dushi vakantie.

            Lucia Hoek di Club Kibrahacha a duna di conoce cu nan a haci e fiesta aki den combinacion cu nan loteria. E ganadornan di varios premio a wordo saca den ambiente di 'Back to the 80's' y colornan neon.

            Cu esaki ta cera un temporada hopi bunita y bon pa Club Kibrahacha. E club a crece hopi den miembresia e aña aki y ta contando 200 miembro presente di un promedio di 250 miembro registra.

            Club Kibrahacha lo ta bek cu nan actividadnan dia 19 di Augustus.