Gran ceremonia di apertura di Aña Academico 2022-23 na Universidad di Aruba

ORANJESTAD (AAN): Cada aña riba e di dos diabierna di luna di september ta tuma luga apertura di aña academico nobo di Universidad di Aruba.

   Diabierna cu a pasa, Gobernador Alfonso Boekhoudt hunto cu President di Parlamento Edgard Vrolijk, tambe Minister Endy Croes, y varios Parlamentario, y tambe demas invitado special a presencia apertura oficial di aña academico 2022-2023.

   Durante e anochi special aki unda a conmemora comienso di Universidad di Aruba (UA) na september 1988, esta 34 aña pasa. Minister Endy Croes a hiba un palabara en conexion cu apertura di aña academico nobo.

   E mandatario di Enseñansa a duna un discurso unda el a splica riba e logronan cu e Universidad chikito aki tin cuatro facultad, un sistema di solucion pa islanan sostenible, varios departamento di sosten cu ta bon equipa, varios partner renombra rond mundo, y un Rector cu ta un profesor cu excelente reputacion academico cla pa hiba e universidad pa e next level.

   E ta demostra cu Ministro tin tur confianza den Rector Dr. Viola Heutger pa carga e Universidad aki den un bon patronchi pa mihor futuro.

   Despues di e apertura, a sigui un brindis den hardin di Universidad mes.