Gran Apertura di Crocs Store na Aruba

ORANJESTAD (AAN):  Diasabra ultimo Boolchands Group a celebra e gran apertura di su ultimo adicion, Crocs Store Aruba.

E tienda nobo, situa na LG Smith Blvd.#17 (banda di Diamond's International), ta mustra e ultimo coleccion di sapatonan ‘Crocs’ cu accesorionan pa homber, muher y mucha.

            E apertura tabata yena di divertimento pa e publico, cu a disfruta hunto cu nan famia durante e fin di siman di compras di Dia di Mama. E celebracion tawata inclui descuentonan special, promocionan, y regalonan pa parti pa tur clientenan. Tambe e publico presente por a disfruta di entretenimiento di DJ Sky, cuminda y bebida, y oportunidad pa gana premionan durante nan compra den e Crocs Store.

            "Nos ta sumamente entusiasma pa trece e marca iconico di Crocs na Aruba, y nos ta invita tur hende pa bin experiencia e moda, comodidad, y versatilidad di estilo di nos sapatonan," Ravee Nandwani, Director, a comenta. "Nos team a traha duru pa crea un ambiente unico pa nos clientenan, y nos ta entusiasma pa por ricibi tur hende na nos tienda nobo."

            E tienda nobo ta ofrece un surtido amplio di estilonan di Crocs, manera e ‘classic clogs’, sandalia, slof, keds y boots, tambe variedad di accesesorionan manera ‘Jibbitz charms’. E tienda tambe tin un seccion dedica pa mucha, cu variedad di estilo unico y colorido pa tur edad.

            E marca ‘Crocs’ a bira un sensacion global, gusta door di miyones di hende rond di mundo pa su comodidad, durabilidad, y estilo unico. Cu e apertura di e tienda nobo na Aruba, fanaticonan di Crocs lo por tin acceso na e ultimo coleccion y tendencianan.