Gobierno y Partido AVP a bay mustra nan solidaridad cu pueblo Dominicano

ORANJESTAD (AAN): Como muestra di solidaridad, den fin di siman Prome Minister mr. Mike Eman hunto cu mr. Wendrick Cicilia y fraccion AVP tabata presente riba Plaza Juan Pablo Duarte durante acto solidario di Republica Dominicana.

   Esaki ta debi na e dolor inmenso cu e pueblo Dominicano a pasa aden, cu e tragedia na e famoso Jet Set Club cu a basha den otro, causando hopi morto, incluyendo varios hende mundialmente conoci.

   “Lazo di amistad y amor cu tin entre ambos nacion ta muestra di e liñanan invisibel cu ta uni Republica Dominicana y Aruba,” ta loke Minister di Turismo, Transporte y Labor mr. Wendrick Cicilia a remarca durante e acto solemne unda a rindi homenahe na e mas di 200 victima den tragedia cu a sacudi e comunidad Dominicano.  E potretnan pa cortesia di fraccion di AVP, ta indica mas di e momento di sostene esnan di e pais Dominicano.