Frank Benita di RWZI:
ORANJESTAD (AAN) – Frank Benita, funcionario di e team di Rioolwaterzuiveringstallatie (RWZI), a duna di conoce den entrevista cu DIARIO, cu gobierno ta implementando un 'task force', dentro di poco, cual su tarea mester ta pa haci control den Horeca Center, por ehemplo, pa wak si e sector aki tin su procecado di vet ('greases-trap') na ordo, den sentido si e ta uza un compania pa bay cu e vet pa wordo procesa.
Benita a señala cu nan ta colaborando cu diferente stakeholder den e sector, na unda RWZI ta purba guia nan y duna nan e informacion necesario pa nan por pase pa nan miembronan, pa nan por tin un bon maneho di desperdicio, specialmente e parti di azeta di cushina, cu ta loke ta causando e problema.
Benita a sigui splica cu, si e no ta ekivoca, e sector di Horeca, restaurant, nan mester tin un “grease-trap” segun regla. E informacion aki mester wordo update; tin cu haci e ehercicio ey un biaha mas, ya cu den pasado a wordo haci pero no a wordo completa. “Aworaki nos tin cu haci un update di loke ta restaurantnan, cu tin 'grease-trap'.
Benita a sigui splica cu e planta ta bay over di un tratamento biologico, y e micro-organismonan ta esnan cu ta haci e trabao y nan no por cu e vet. Tambe como precaucion nos ta inyectando kimiconan den e sistema pero si e ta haya un cantidad asina grandi di vet, e ta tuma tempo pa por recupera. E tabata recuperando y ta hopi lamentable loke a sosode.
