Gobierno ta aplaudi esfuerso di Aruba Shriners Club pa yuda Emilio

ORANJESTAD (AAN): Aruba Shriners Club ta enfoca riba yudansa na muchanan na Aruba cu tin necesidad di tratamento medico specialisa,

incluyendo kemadura, hazenlip y protesis. Y den un entrevista recien cu DIARIO, presidente di Aruba Shriners Club, señor Lito Lacle, a indica cu e club ta forma parti di e organizacion internacional Shriners International, via Araba Shriners na Fort Myers, Florida. Shriners International a cubri completamente e protesis y tratamentu medico di Emilio. Aruba Shriners Club, hunto cu Araba Shriners, a encarga principalmente cu e costonan di transporte pa Emilio y un di su mayornan, ademas di otro gastonan relaciona cu e biahe.

Emilio mes a expresa cu e ta hopi contento di por ta bek riba su pianan na Aruba, y el a probecha pa gradici esnan cu a yud'e pa e por cana bek y cu a keda band'i dje durante e proceso aki.