ORANJESTAD (AAN): Prome Minister Evelyn Wever Croes Dialuna durante un conferencia di prensa di Gobierno a bisa cu mirando cu Aruba ta recuperando economicamente,
ta doloroso pa wak e cantidad di caso di uso di arma cu ta tumando lugar y e kiebro di reglanan den fin di siman.
“Tin un grupo grandi di hende cu ta trahando duro pa Aruba recupera y Aruba henter kier recupera, pero tin un grupo persona asocial cu no kier mira e recuperacion ey”.
Mi kier haci un apelacion riba nos tur pa no solamente ban cuida, sino pa nos percura tambe pa Aruba por recupera.
Ni ami ni Gobierno kier bin cu medidanan bek manera toque de queda, shelter in place etc.
Nos ta un pueblo cu ta stima nos pais, pues cuida bo mes y bo famia y no pusha nos caminda cu nos tin cu bin cu medidanan, segun e mandatario.
