Frans Ponson di CUA
ORANJESTAD (AAN): Ban asumi cu na Aruba, den cada hogar tin un promedio di 1,6 persona cu tin un trabao. Si acaso Aruba no acepta e Rijkswet pa cu RAft cu Hulanda ta purba na pusha riba e isla... e lo nifica cu ta bay bin un extra cobranza di miyones riba cada hogar na Aruba pa paga na debe.
Frans Ponson di e grupo Comerciantenan Uni Aruba, a calcula cu e debe di interest ey lo bay ta igual na 800 Florin riba cada hogar. Pues 800 Florin riba lomba di 1,6 persona.
Si acaso bo tin 2 persona na bo cas, ya bo ta pagando 1.000 Florin extra so na interest. Esey ta djis na interest, pues ta ni pagando e debe principal. Pasobra si bo bay conta e suma principal mes den 20 aña, e cifra ta demasiado halto.
Pues djis si acaso Aruba keda sin firma e RAft ey, bo ta papiando di un interest considerablemente mas halto, y esey ta preocupante pa cualkier hende, no djis e comerciantenan.
Esey ta e motibo cu gremionan ta sclamando Gobierno pa haya mas informacion y claridad riba e asunto aki.
Djis corda cu Aruba a hisa BBO for di 6% pa 7% y a genera hopi miyones extra. “Unda e informacionnan aki ta?”
Pesey mes, nan ta kere cu Gobierno merece un pueblo splicacion riba tur e pro- y contra di e Rijkswet di RAft, pasobra aworaki ningun hende por mira cu detaye ta kico ta pasando, y usando cifra pa tur esey.
Loke Comerciantenan Uni ta preocupa cu ningun hende aworaki no kier haya mas belasting, ni reduccion di salario, y gastonan ya caba ta hopi halto. Pesey ta husto pa gremionan haya e informacion ey y mustra tur hende pa comunidad por compronde. Pasobra aworaki ningun hende por compronde pakico Gobierno no kier firma, y pesey obliga tur hende pa bay paga mas.
Hecho ta cu sin importa ki decision Gobierno bay tuma, a lo menos sali y informa pueblo di esey. Pasobra e fecha di 1 di September 2023 ta ey mes. Gobierno tin di bisa kico ta kico, y e motibonan pa esey.
