Gobierno a despedi di ex-Diputado y ex-Ministro Chenco Yarzagaray

ORANJESTAD (AAN): Diamars mainta Gobierno di Aruba a dispidi di Ex-Minister di Economia, Arsenio Yarzagaray mihor conoci como Chenco.

   Chenco a nace dia 29 di maart 1938 y den su trayectoria profesional a ocupa varios funcion importante den comunidad, entre otro e tabata Diputado, y tambe e prome director di WEB Aruba N.V., Ministro di Economia pa Antias bao di Gabinete Don Martina, Parlamentario di Antias y miembro di Raad van Advies.

Cu Chenco sosega na paz.

   Diamars mainta prome cu bay Misa, Conseho di Ministro a ricibi e corteho funebre pa asina entrega un krans y condoleer famianan.