Gobernador Interino a huramenta señora mr. D.J. Jansen como vicepresidente di Corte Comun di Husticia

ORANJESTAD (AAN): Dialuna 3 di februari 2025, Gobernador interino, Su Excelencia Agustin Vrolijk,

a huramenta señora mr. D.J. Jansen como vicepresidente di Corte Comun di Husticia, cu cede na Aruba.

E ceremonia di huramentacion a tuma luga na Cas Ceremonial di Gobernador, den presencia di, entre otro, Minister di Husticia, e President di Corte Supremo di Hulanda, e President di Corte Comun di Husticia y e Procurador-General di Ministerio Publico di Aruba.

            Corte Comun di Husticia di Aruba, Corsou, St. Maarten y di Bonaire, Sint Eustatius y Saba ta percura pa hurisdiccion den prome instancia y den apelacion (hoger beroep) na e islanan.

            Corte di Prome Instancia na Aruba tin cede na Aruba y e audiencianan tambe ta tuma luga eynan. E miembronan di Corte Comun di Husticia ta trata, casonan civil, casonan penal y casonan di maneho administrativo hudicial (cu ta inclui casonan fiscal) tanto den prome instancia como den apelacion.

Potretnan: © Kabinet Gouverneur Aruba