ORANJESTAD (AAN): Riba fecha 9 di December 2021, e isla aki a dal un otro paso unda Aruba ta destacando
su mes den region Caribense como e prome pais cu pa 2024 lo ta operando a base di energia limpi na caminda pa cumpli cu e tratado di Paris pa 2050.
Segun e vision di Ministro y di Gobierno aki, e maneho riba tereno di energia ta enfoca riba durabilidad, sostenibilidad, accesibilidad y calidad.
Energia pagabel, sostenibel, duradero y limpi pa compania- y hogarnan na Aruba.
Reduccion di emision di CO2 cu 45% na aña 2030 pa un medio ambiente
sostenibel pa cumpli cu e meta di Nacionnan Uni pa combati efectonan di
calentamento global cu 1.5° C.
Logra cumpli cu e tratado di Paris pa aña 2050 unda Aruba tambe ta contribui na un medio ambiente sostenibel “carbon neutral”.
Cu e mehoracion di eficiencia den nos companianan di utilidad cu proyectonan
manera RECIP4/SWRO3, lo logra reduci uzo di combustible (HFO) pa produccion di electricidad di 3.679 Bbl/dia, na mas o menos 2.800 Bbl/dia. Y despues di logra un transicion di mas o menos 50% pa energia renobabel, reduci e uzo di combustibel ainda mas te cu menos di 2.000Bbl/dia pa 2030.
- • Aumento di energia solar y di biento di 20% na 2020 pa 35% pa 2024 cu un
minimo di 50% pa 2030.
- • Aumento uzo di vehiculonan electrico pa 15% na 2030.
- • Aumento eficiencia di energia den residencianan y companianan cu 15% na 2030.
Reduci nos dependencia y consumo di petroleo crudo den un transicion pa
energia alternativa solar y di biento rumbo introduccion di energia hydrogen.
E maneho nacional riba tereno energetico tin como meta diversifica fuentenan di energia.
Introduccion di gas lo trece hopi beneficio pa nos Pais, e.o. pa produccion di energia, pa refineria, riba tereno industrial y eventualmente hasta transporte automobilistico y casnan na Aruba.
E proyecto di un instalacion di gas LNG , lo haci cu Aruba por bira e hub pa almacena dicho producto den Caribe.
Refineria of otro inversion: Pa loke ta trata Refineria, Gobierno y RDA a a sinta cu diferente inversionista y operador pa e refineria. Esfuersonan lo continua den e cuadro aki. Pa loke ta e tereno y terminal portuario di Refineria, ta intencion di Gobierno pa den cuadro di estimulo di economia pa y na San Nicolas, reactiva y opera e puerto y terminal aki comercial- y industrialmente.
Pa logra implementacion di e maneho nacional di Energia, ta primordial realisa e siguiente puntonan: (*) Actualisa y modernisa e ley y regulacion di energia y awa potable. (*) Restructuracion di e structura actual di tarifanan como catalysador di e transicion energetico.
