ORANJESTAD (AAN): Diabierna awo, 12 di augustus, lo tin otro Rosario Bibo na kapel di Alto Vista cuminsando pa 7 or y mey di anochi.
Cada persona por presenta su intencion personal, pero tambe por resa hunto pa salud di tur enfermo, pa felicidad den cada cas di famia, pa paz laboral, pa bienestar spiritual di adulto y hobennan y pa paz mundial.
Temporada di vakantie ta cabando y scol lo cuminsa atrobe otro siman pa e muchanan chikito, e hobennan y e maestronan.
Ta un momento oportuno pa resa hunto pa un aña escolar exitoso pa tur esnan envolvi den enseñanza y educacion riba nos isla. Lo pidi Spirito Santo guia tur studiante pa nan progresa den nan estudio y tambe pa educadornan y mayornan cu mester guia e muchanan di chikito te grandi.
Un y tur ta keda invita pa asisti na e Rosario Bibo diabierna awo pa 7 or y mey na kapel di Alto Vista.
