ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta exactamente loke Gino a haci, y el a bira feliz pa mira cu su numbernan a sali.
Pesey mes Dialuna el a adcudi na oficina di Lotto na Playa pa reclama su premio. Despues cu nan a revisa su ticket pa check si el a pone su firma, y a scan e barcode, e computer a confirma cu Gino a gana 66.300 Florin cu wega di Zodiac Merdia.
Di e forma ey a cuminza cu e proceso pa transferi e premio electronicamente pa su cuenta di banco.
Gino a bisa cu e ticket mes el a cumpra na Mama Trida Lottery.
