ORANJESTAD (AAN)- Dia 7 di juli 2025, Gillmar a defende su tesis exitosamente y a obtene e titulo di ‘Bachelor of Arts’ for
di e programa Organization, Governance and Management, Facultad di Arte y Ciencia. Gillmar a defende su tesis “Understanding the Barriers and Stimulators for Youth Participation: A Qualitative Case Study in the Parlamento Hubenil Aruba” dilanti di e comision di graduacion cu tabata consisti di Thais Franken MSc, Luciano Miljrad L.L.M y Sacha Geerman Directora di Sociale Zaken. Ademas tabata presente manager di e programa OGM, Ahmet Talan, MSc, famia, amistad di Gillmar Werleman, docente di Universidad di Aruba y colega di estudio tambe tabata presente.
Gillmar Werleman a investiga kico ta e factornan cu ta limita y stimula nos hobennan pa participa den Parlamento Hubenil y pa asina duna recomendacion pa aumenta e cantidad di miembro entre e edad di 18 te cu 24 aña.
E participantenan di e investigacion ta miembronan actual, miembronan di pasado, trahado y coordinadornan di añanan anterior y actual di Parlamento Hubenil y e ultimo grupo ta hoben entre 18 pa 24 aña den comunidad cu no tin niun afiliacion cu Parlamento Hubenil.
Un di e recomendacionnan ta cu Parlamento Hubenil por bin cu mas oportunidad pa hobennan representa Aruba mas frecuentemente den exterior y asina experencia otro cultura.
Otro recomendacion ta pa Parlamento Hubenil haci mas uzo di social media pa asina educa e pueblo riba e mision di Parlamento Hubenil y alabes educa tambe kico tur Derecho di Mucha ta encera, mirando cu tin hopi confusion riba esaki.
Ta gradici e docentenan di e departamento di OGM y profesional cu a yuda of guia Gillmar Werleman como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki.
{gallery}Gillmar Werleman a gradua como Bachelor den Organization, Governance and Management{/gallery}
