ORANJESTAD (AAN): E hoben Gilbert Webb di Partido HTC tey bek.
E ta den eleccion 2024, y ta indica cu e ta buscando un minimo di 3.000 voto pa asina Partido HTC “por logra cera coalicion pa trece e vision aki na bida.”
E ta referi na construccion di un Parke di Atraccion pa Aruba. E beneficionan ta e.o. (1) Crecimento Economico, debi cu un parke tematico ta representa un piedra principal di un economia diversifica. E lo genera entrada substancial door di turismo y nos hende nan local, atrayendo tanto bishitante regional como internacional. Tambe e lo (2) Crea trabao. Aki ta spera cu e establecimento di un parke di atraccion lo crea mas di 1.000 oportunidad di trabao pa nos residente nan den diferente sector, incluyendo hospitalidad, entretenimento, mantencion y servicio na cliente. Esaki no ta solamente un solucion pa e problema di desempleo, pero tambe ta brinda talento local e experiencia valioso y e habilidad nan necesario pa avansa den nan carera.
Tambe ta papia di (3) Mehora sector turismo. Ta splica cu parkenan atractivo a demostra di ta un atraccion turistico importante den pais nan rond mundo. Eu e introduccion di un parke di atraccion di clase mundial, Aruba por eleva su status como un destinacion turístico di prome instancia, y asina extende e estadia di bishitante nan y anima nan pa explora otro atraccion nan riba e isla.
Ta sigui papia riba (4) Participacion y Orguyo di comunidad: Un parke di atraccion por sirbi como un hub pa actividad nan y evento nan comunitario, cu ta promove cultura y herencia local. Ademas, e presencia di un facilidad asina por inculca orguyo den e habitante nan, ya cu e ta un símbolo di progreso y innovacion na Aruba. El a mustra cu parkenan rond mundo tambe tabatin storia di exito.
