ORANJESTAD (AAN): Un di e weganan popular di Lotto keto bay ta Zodiac.
Aki bo ta escoge un number di cuatro cifra, y agrega un signo zodiacal y bo ta den wega! Esey ta loke Geraldine a haci, y el a gana tambe.
Pesey riba Dialuna el a acudi na oficina di Lotto pa reclama su premio. E trahadornan a revisa su ticket, y ora cu a scan esaki den computer, inmediatamente a haya reaccion cu Geraldine a gana e suma di 62.500 Florin.
Mesora a cuminza cu e proceso pa transferi e premio electronicamente pa su cuenta di banco. Geraldine a indica cu e ticketnan ganador a wordo cumpra na Bo Skina di Suerte.
