Empleadonan ta desea señora Maria Dominguez hopi exito
ORANJESTAD (AAN): Despues di 14 aña ta dirigiendo tur dos RIU Hotels na Aruba, riba Diamars 31 di Maart 2026, señora Maria Dominguez lo bandona Aruba y ta regresa Spaña.
Como dirigente di tanto Hotel RIU Palace Hotel, y Hotel RIU Palace Antillas, e ta un persona kende a integra totalmente na comunidad di Aruba, cu un trato excelente pa su empleadonan, kendenan awor via DIARIO kier a expresa cu palabranan di agradecimento pa su bon labor como General Manager.
Di awor caba, nan tur hunto ta manda palabranan di exito pa señora Dominguez den su siguiente experiencianan na otro partinan di mundo. Hopi danki pa e fenomenal forma di maneho, di dirigi, y pa guia e dos propiedadnan den e miho forma posibel. Palabranan di danki y hopi exito.
