ORANJESTAD (AAN): No ta djis na Aruba, sino na e.o. Merca y tambe demas islanan den Caribe,
prijs di combustibel ta sigui cay den luna di November. E ta bahando un promedio cu ta menos compara cu November 2024.
E caida ta bin grandemente debi na un reduccion den prijs di crudo, y tambe cu tin menos demanda pa combustibel despues cu verano a finaliza y awor ta yegando temporada di fin di aña.
Entrante awe Diaranson 12 di November 2025, tarifa di gasolin ta cambia tambe na Aruba.
Prijs di Gasolin Unleaded ta baha cu 9,5 cen, pa wordo bendi awor na 219,2 cen pa liter.
Prijs di Diesel ULS ta baha cu 4,4 cen, pa wordo bendi awor na 195,6 cen pa liter.
Kerosin ta baha cu 0,2 cen, pa wordo bendi awor na 185,1 cen pa liter.
E anuncio a wordo haci pa Ministro di Asunto Economico, y e prijsnan aki awe ta na vigor. Tur prijs ta inclui BBO, BAZV, y BAVP tambe.
